tg-me.com/hseana/21283
Last Update:
إلى سيدي ومولاي الإمام السجاد ع
ذبـل كلشي بيه . ...ابهذيچ المـسيه
عليل او أشاهـد .. ...كــواكب رزيه
جثــثهم فجيعه .... شفتهم يشيعه
كواكب رزيه
يريت الموت أخذني ولا شفت عمري
ابــوي احســين واحبابه الدمه تجري
يريت اعمه وبقيت الوحدي ابحجري
ولا لــهـناء أجـيــت وچملــت قــهري
ولا شفت الطفوف ولا كَسِـر ظــهـري
حملت الـما چنت أحسبله من دهـري
العذاب اللّي شفته ..ابصعوبه حملته
گلــت ويــه اهلــي. امـوت آنه سكته
البدور الطليعه --- شفتهم يشيعه
كواكب رزيه
أنـا السجاد يـا نـاس او صعُب وضعي
ولـي اليسأل يـعذبنـي ويـهـل دمعــي
قبل ما أحچي عن طف كربله وطبعي
يهـد الحــيل ذاك المـصرع الــجمــعي
مصـاب الـكـلّ جــمر يتــوقد ابضلعي
أنــا الهساع تــرن احچايـته ابسمعي
ابكلامه لچمني ..الحبيب وهضمني
سمعته ينادي .. ... ألا مَـــن رحـمني
صحبته صريعه ... شفتهم يشيعه
كواكب رزيه
مصيبه اجر مصيبه وأحنـا بالأعــظم
نعيش النازله اعليـنه بهـضــم وبــغم
حــرايــر كــل بــني طـه الشمر حتم
امـر جنــده اللعــينه اتگيــد المعصم
ابسلاسل گيــداهـا ومـنها ســآل الدم
بعــد ذبــح الــهــواشـم لليسر تلتـــم
وعـايـن فزعـها ... ويهل دم دمعـها
نسـاء الــرســـاله .... يـألم وضــعها
بنات الوديعــه ......شفتهم يشيعه
كواكب رزيه
على النـاگه ســبيه بـت علي الكرار
وتصد الها الاعادي وتمعـن الأنــظار
لون كافلها موجود ويشـوف الصار
فـلا يحمل ابو فاضـل غيــور اونــار
يشوف اخته العده تماشيها والكفار
لچن ويلي خمد صوته بعــمد غـدار
أنا أدري الكفلها .....فلا يرضه ضلها
تشوفه الاجانب ...عدل يركض إلها
چفوفه گطيعه ..... شفتهم يشيعه
كواكب رزيه
اليفـگد لا تلـومه لـــو بچــــه العينـين
أصـبر لا تــگــله الــبي جــرح سبعـين
وأنــا المثلي إلــه ميــت أبــوه حسين
إله شيّطفي جمرته التسعر امن اسنين
أهل بيتي وعمامـي وصحبته الطيبين
فــده راحـوا لجـل يبقى بعلــوه الدين
تــون لا تگــله ...... إذا منتــه مثله
جروحك غميجه ....تره ماهي سهله
الفجعـته فضيعه ... شفتهم يشيعه
كواكب رزيه
٢٤/ محرم / ١٤٤٣ اليوم الأربعاء
١/ ٩/ ٢٠٢١
#ام_علي_الشمري
BY كتاباتي .. وقصائد تراثية ( 2018 / 1 /13)
Warning: Undefined variable $i in /var/www/tg-me/post.php on line 280
Share with your friend now:
tg-me.com/hseana/21283